motvind

No ser eg atter slike fjell og dalar,

og midt i landskapet,

fjellmannen,

like blendande vakker

som blånane bak,

med impregnerte bukser,

stål i bein og armer,

is i magen

og brevatn i blikket.

Er det ikkje nettopp

fjellmannen

vi vil sjå

her oppe på fjellet,

og i moltemyra?

Kven vil sjå

ein skuggemann

med bleike hender ,

knugande rundt ei styrestong,

bak glaset

i ei gravemaskin

med rødsildre

i kjeften?

Nei,

soleklårt er det nettopp

fjellmannen

vi vil sjå,

og ikkje nokon andre.

 

Kjelder

https://snl.no/No_ser_eg_atter_slike_fjell_og_dalar

https://ndla.no/nb/subjects/subject:19/topic:1:186579/topic:1:82739/resource:1:176597

https://snl.no/r%C3%B8dsildre